2022-03-16 11:13:50, 1399 ნახვა

---

ხაშურის მუნიციპალიტეტში, 4 კმ სიგრძის სარწყავი არხის აღდგენითი სამუშაოები მიმდინარეობს

„საქართველოს მელიორაცია“, შიდა ქართლში, ტაშისკარის სარწყავი სისტემის მოწესრიგების სამუშაოებს ატარებს. - ამის შესახებ ინფორმაციას გარემოს დაცვისა და სოფლის მეურნეობის სამინიტო ავრცელებს.

უწყების ცნობით, სოფელ ოსიაურის ტერიტორიაზე წყალგამანაწილებელი არხის  4 კილომეტრიანი მონაკვეთი იწმინდება.

„სამუშაოები არხში წყლის შეუფერხებლად გადინებას შეუწყობს ხელს. შედეგად, ხაშურის მუნიციპალიტეტში, სოფელ ოსიაურის, გომისა და აგარების 100 ჰექტარ სასოფლო-სამეურნეო მიწის ფართობზე სარწყავი წყლის მიწოდება გაუმჯობესდება, რაც  ადგილობრივ ფერმერებს ხარისხიანი  და უხვი მოსავლის მოყვანის საშუალებას მისცემს.

საირიგაციო სისტემაზე მიმდინარე სამუშაოები  მარტის ბოლოს  დასრულდება.“ - ნათქვამია ინფრმაციაში.

 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი