2021-05-17 21:06:16, 718 ნახვა

---

შალვა პაპუაშვილი - შევთანხმდით, იქნება ცესკო-ს ორი მოადგილე- პროფესიული და ოპოზიციური პარტიების მიერ დასახელებული

„შევთანხმდით, იქნება ცესკო-ს ორი მოადგილე- პროფესიული და ოპოზიციური პარტიების მიერ დასახელებული“, -ამის შესახებ „ქართული ოცნების“ ლიდერმა შალვა პაპუაშვილმა განაცხადა.

მან ასევე აღნიშნა, რომ შემუშავებული საარჩევნო რეფორმა 19 აპრილის შეთანხმებას ასრულებს.

„ძირითადი საკითხი, რაც იყო, იცით, რომ იყო მოადგილის საკითხი, ადმინისტრაციის დაკომპლექტების საკითხი, ამაზე შევთანხმდით. იქნება ორი მოადგილე- პროფესიული და ოპოზიციური პარტიების მიერ დასახელებული.

ცესკო-ს თავმჯდომარე თუ ვერ ასრულებს უფლებამოსილებას, ამ შემთხვევაში, ოპოზიციური წევრების მიერ დასახელებული მოადგილე შეასრულებს. რაც შეეხება ადმინისტრაციის დაკომპლექტებას, ამაზეც შევთანხმდით.

შემიძლია ვთქვა, რომ საბოლოო ჯამში, ჩვენ ამ პაკეტით, რომელსაც საბოლოო ფორმას ახლა ვაძლევთ, ვიღებთ ამბიციურ საარჩევნო რეფორმას იმ გაგებით, რომელიც იყო 19 აპრილის შეთანხმებაში და დღეს დამატებითი საკითხებიც შევათანხმეთ, რომელიც გააუმჯობესებს საარჩევნო პროცედურებს“, - განაცხადა შალვა პაპუაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი