2021-04-21 10:37:33, 1770 ნახვა

---

კორონავირუსის ვაქცინაციის მსურველთა წინასწარი რეგისტრაციის პორტალზე, დღეის მდგომარეობით, 45 456 პირია დარეგისტრირებული

ჯანდაცვის სამინისტროს მიერ კორონავირუსის ვაქცინაციის მსურველთა წინასწარი რეგისტრაციის პორტალზე, დღეის მდგომარეობით, 45 456 პირია დარეგისტრირებული.

მოქალაქეებს რამდენიმე ვაქცინიდან მხოლოდ სამის არჩევა შეუძლიათ.

მონაცემების მიხედვით, დარეგისტრირებულ მსურველთა უმრავლეოსობას - 43 584 პირს „ფაიზერით“ ვაქცინაცია სურს. 21 534 „მოდერნას“ ირჩევს. „ასტრაზენეკას“ ვაქცინით აცრის მსურველთა რაოდენობა 8 820-ს შეადგენს. „ჯონსონი და ჯონსონი“ – 6 152-მა პირმა აირჩია. „ნოვა ვაქსის“ მსურველთა რიცხვი 4 275-ია. 2 369 პირს „სინოფარმით“, 525-ს კი „სინოვაკით“ აცრა სურს.

როგორც პორტალზეა აღნიშნული, წინასწარი რეგისტრაციის მიზანია ინფორმაციის მიღება COVID -19 ვაქცინაციის მსურველთა რაოდენობის შესახებ.

ამასთან, მოქალაქეებს შეუძლიათ ვაქცინებს შორის არჩევანი გააკეთონ.

COVID-19 ვაქცინაციაში მონაწილეობა 18 წელზე უფროს მოსახლეობას შეუძლია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი