„ანაკლიის პორტის პროეტის შეჩერება რუსეთისთვის ნამდვილად ხელსაყრელი იყო“, - ამის შესახებ ამერიკის შეერთებული შტატების ყოფილმა ელჩმა, იან კელიმ ონლაინ კონფერენციაზე განაცხადა.

მან ასევე აღნიშნა, რომ რუსეთის მიზანია, საქართველო და უკრაინა არ გახდნენ ნატოს წევრი ქვეყნები.

„რა არის რუსეთის მიზანი, არა მხოლოდ საქართველოსთვის, არამედ მთელი პოსტსაბჭოთა სივრცისთვის, მათ შორის, უკრაინისთვის - მე ვფიქრობ, მათი მიზანია დარწმუნდნენ, რომ საქართველო არ იღებს ნატო-ს წევრობის სამოქმედო გეგმას, არ ხდება NATO-ს და ევროკავშირის წევრი.

მე ასევე შეშფოთებული ვიყავი საქართველოს მთავრობის გადაწყვეტილებით, როდესაც ანაკლიის პროექტი შეაჩერეს. ვფიქრობ, თუ შეხედავთ, თუ ვინ იგებს ამ გადაწყვეტილებით, რომ შავ ზღვაში არ აშენდეს ღრმაწყლოვანი პორტი, ეს რუსეთია.

მე შეშფოთებული ვიყავი, ეს პორტი, ვფიქრობ, გაზრდიდა NATO-ს შესაძლებლობას, რომ კავშირი ჰქონოდა საქართველოს სანაპირო დაცვასთან, მეტი გემები ეწვეოდნენ, ეს ნამდვილად უზრუნველყოფდა დასავლეთის კუთხეს სამხრეთ დერეფნის კასპიის ზღვის ენერგიისთვის.

მე ვფიქრობ ანაკლიის პორტის პროეტის შეჩერება რუსეთისთვის ნამდვილად ხელსაყრელი იყო“, - განაცხადა იან კელიმ.

ავტორი: ექსპრესნიუსი,

სოციალური ქსელები

მინისტრი: თურქეთი საკუთარი ბირთვული ტექნოლოგიების განვითარებას გეგმავს

გერმანიის ახალი ელჩი - არსებული დაძაბულობა ამძიმებს გერმანიისა და ევროკავშირის ურთიერთობას საქართველოსთან

პოლიციამ თბილისში „გლოვოს“ კურიერის ცემის ბრალდებით კიდევ ორი არასრულწლოვანი დააკავა

აფხაზეთში შეიარაღებული კონფლიქტის დაწყებიდან 34 წელი გავიდა