ჯანდაცვის მინისტრის მოადგილე თამარ გაბუნია აცხადებს, რომ საქართველოში ვაქცინაციის პროგრამა „ასტრაზენეკას“ ვაქცინით 55 წელს ზემოთ მყოფ ასაკობრივ ჯგუფში გაგრძელდება.

თამარ გაბუნიამ ჯანდაცვის სამინისტროში გამართუ ბრიფინგზე განმარტა, თუ რა გახდა აღნიშნული გადაწყვეტილების მიღების მიზეზი.

მისივე თქმით, შემდგომი გაფართოება „ასტრაზენეკას“ ვაქცინაციაზე, ამ ეტაპზე, არ იგეგმება.

„გუშინ, ექსპერტების კომიტეტმა როგორც ევროპის წამლის სააგენტოში, ასევე ჯანდაცვის მსოფლიო ორგანიზაციაში დაადასტურა, რომ „ატრაზენეკასთან“ არსებული სარგებელი აღემატება ყველა შესაძლო რისკს, რომელიც სხვადასხვა კატეგორიის პაციენტებში შესაძლოა გამოვლინდეს, თუმცა მათ აღიარეს უიშვიათესი კავშირი თრომბოზთან. შესაძლებლობა არის დაახლოებით 4 შემთხვევა ერთ მილიონ მოსახლეობაზე, მაგრამ მაინც ჩაითვალა საჭირო, ყურადღების გამახვილება ამ ტიპის მონაცემებზე. ვაქცინაციის პროგრამის ფარგლებში „ასტრაზენეკას“ გამოყენების შეჩერების თაობაზე გარკვეულ ასაკობრივ ჯგუფებში.

დღეს ექსპერტები საბჭომ იმსჯელა, სამინისტროსთან და დაავადებათა კონტროლის ეროვნულ ცენტრთან და „ასტრაზენეკათი“ ვაქცინაცია გაგრძელდება 55 წლის ზემოთ ასაკობრივ ჯფუში, იქნება ეს მაღალი რისკის ჯგუფი თუ ნებისმიერი სხვა. ვაქცინაციის პროგრამა „ასტრაზენეკას“ ვაქცინით გაგრძელდება 55 წელს ზემოთ ასაკობრივ ჯგუფში, როგორც ეს მიმდინარეობს. შემდგომი გაფართოება „ასტრაზენეკას“ ვაქცინაციაზე, ამ ეტაპზე, არ იგეგმება“, - განაცხადა ჯანდაცვის მინისტრის მოადგილემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ