2021-03-17 21:38:41, 564 ნახვა

---

ირაკლი კობახიძე - მოლაპარაკებები სწორი მიმართულებით წავიდა, ხოლო ოპოზიციას გუშინაც დაუმძიმდა განწყობა

„მოლაპარაკებები სწორი მიმართულებით წავიდა, ხოლო ოპოზიციას გუშინაც დაუმძიმდა განწყობა“, - ამის შესახებ „ქართული ოცნების“ ლიდერმა ირაკლი კობახიძემ განაცხადა.

მან ასევე აღნიშნა, რომ ევროკავშირზე და დასავლურ ინსტიტუტებზე შტურმი ოპოზიციის პოლიტიკურ პოზიციებს არ წაადგება.

„ოპოზიციას გუშინაც დაუმძიმდა განწყობა. გახსოვთ, ბორელის განცხადებების შემდეგ და მოაყოლეს ამას მთელი შტურმი ევროკავშირზე და დასავლურ ინსტიტუტებზე. რა თქმა უნდა, ეს არ წაადგება მათ პოლიტიკურ პოზიციებს.

რაც შეეხება დღევანდელ შეხვედრას, იყო ძალიან კარგი შეხვედრა, ძალიან ბევრი საკითხი განვიხილეთ და სწორი მიმართულებით წავიდა პროცესი. მთავარია, რომ ოპოზიციამ რაღაც საბაბის მოძებნა არ დაიწყოს იმისთვის, რომ ჩაშალოს მოლაპარაკებები“, – განაცხადა ირაკლი კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი