2021-03-15 12:10:43, 717 ნახვა

---

ესტონეთის ყოფილი პრეზიდენტი - რა ჯანდაბას აკეთებს ევროკავშირის დროშა ამ ინტერვიუს ფონზე?

ესტონეთის ყოფილი პრეზიდენტი, ტომას ჰენდრიკ ილვესი „ქართული ოცნების“ თავმჯდომარის, ირაკლი კობახიძის იმ ინტერვიუს ეხმაურება, რომელშიც კობახიძე ყოფილ პრემიერზე „ღამის კურიერთან“ საუბრობს.

„ჩემი კითხვაა, განსაკუთრებით კანონის უზენაესობის გროტესკულად დარღვევის შემდეგ, რომელიც აქ არის აღწერილი, რა ჯანდაბას აკეთებს ევროკავშირის დროშა ამ ინტერვიუს ფონზე“, - წერს ილვესი „ტვიტერზე“.

ცნობისთვის, „ქართული ოცნების“ თავმჯდომარემ, ირაკლი კობახიძემ ტელეკომპანია „რუსთავი 2“-ის გადაცემა „ღამის კურიერში“ ნიკა მელიას დაკავების საქმეზე ისაუბრა და აღნიშნა, რომ გიორგი გახარია 17 თებერვლის 17:00 საათამდე მელიას დაკავებას ეთანხმებოდა, ხოლო სასამართლომ მისი დაკავების გადაწყვეტილება 22:30 საათისთვის მიიღო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი