გურჯაანში ოჯახური კონფლიქტის დროს გარდაცვლილი 8 თვის ჩვილის მამას პატიმრობა შეეფარდა

2021-03-11 12:11:57, 636 ნახვა

სამართალი

გურჯაანის რაიონულმა სასამართლომ ოჯახური კონფლიქტის ფაქტზე დაკავებულ მამაკაცს აღკვეთის ღონისძიების სახით პატიმრობა შეუფარდა.

36 წლის მამაკაცს ბრალი 10 მარტს, ყვარლის პოლიციის წინასწარი დაკავების იზოლატორში წარედგინა.

დაკავებულს ოჯახში ძალადობას და გაუფრთხილებლობით სიცოცხლის მოსპობასა და სხეულის განზრახ მძიმე დაზიანებას ედავებიან.

დღევანდელ პროცესზე დაცვის მხარე დაკავებულის აღკვეთის გარეშე დატოვებას ითხოვდა.

ცნობისთვის, რამდენიმე დღის წინ გურჯაანში, 36 წლის ზურაბ შავლიაშვილმა მეუღლეს ოჯახური კონფლიქტის დროს სიტყვიერი და ფიზიკური შეურაცხყოფა მიაყენა. აღნიშნული კონფლიქტის დროს ქალს ხელში ჰყავდა შვილი - 2020 წელს დაბადებული ბავშვი, რომელმაც გონება დაკარგა და გარდაიცვალა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,