„საერთოდ არ მიმაჩნია სწორად მისი უნიათო გამოსვლა შევაფასო, ეს უნიათობა ჩვენი მოქალაქეების ცხოვრებაზე ჩანს“, - ასე შეაფასა „ექსპრესნიუსთან“ საუბარში „ნაციონალური მოძრაობის“ წევრმა მიხეილ მაჭავარიანმა პრემიერ-მინისტრ ირაკლი ღარიბაშვილის სიტყვით გამოსვლა გაეროს 70-ე გენერალურ ასამბლეაზე.

მაჭავარიანის შეფასებით, პრემიერი უნიათობის განსახიერებაა და „გაგებაში არ არის“ ქვეყანაში რა ხდება.

„საერთოდ არ მიმაჩნია სწორად, რომ გაეროში პრემიერის უნიათო გამოსვლა შევაფასო. ჩემი შეფასებით პრემიერი არის უნიათო. მისი უნიათობა ჩანს ჩვენი მოქალაქეების ცხოვრებაზე. საერთოდ როგორ შეიძლება ამ ადამიანთან დაკავშირებული რამე შევაფასო? სამი წელია ქვეყანა უკან მიდის. რა გაეროში გამოსვლა? ის უნიათობის განსახიერებაა და გაგებაში არ არის ქვეყანაში რა ხდება.  ღარიბაშვილი ლაპარაკობს ერთს და აკეთებს მეორეს.  მან როგორც კი თქვა, რომ ქვეყანაში წინ მიდის საქმე და 90 ათასი სამუშაო ადგილი  შექმნა მთავრობამ, ჩემთვის აქ დამთავრდა მისი უნიათო გამოსვლის შეფასება“, - განაცხადა მიხეილ მაჭავარიანმა.

ამასთან, მაჭავარიანმა ვაშინგტონში პრეზიდენტის ვიზიტზე ისაუბრა და აღნიშნა, რომ ეს ვიზიტი სამარცხვინოდ დაიწყო.

„სამარცხვინოდ დაიწყო ეს ვიზიტი. პრემიერმა და პრეზიდენტმა ვერ გაიყვეს,  ასევე პრემიერი სამარცხვინოდ იქცევა როდესაც ელჩი არ გაუშვა ვაშინგტონში იმიტომ რომ იქაც ხომ საქართველოს საქმე კეთდება ხომ?“, - განაცხადა მიხელ მაჭავარიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება