2021-01-17 16:24:51, 1083 ნახვა
მსოფლიო
ავღანეთში შეიარაღებულმა პირებმა უზენაესი სასამართლოს ორი ქალი მოსამართლე მოკლეს
ავღანეთის ქალაქ ქაბულში დაუდგენელმა შეიარაღებულმა პირებმა ამავე ქვეყნის უზენაესი სასამართლოს ორი ქალი მოსამართლე მოკლეს.
ამის შესახებ ინფორმაციას „როიტერსი“ ავრცელებს.
მედიის ცნობით, თავდასხმა დილის 8:30 საათზე მოხდა.
მომხდარ ფაქტს „თალიბანს“ უკავშირებენ.
ავღანეთის პრეზიდენტმა აშრაფ ღანიმ განცხადება გაავრცელა, სადაც დაგმობილია თალიბანის და სხვა სამხედრო ჯგუფების მიერ მშვიდობიან მოსახლეობაზე თავდასხმები.
თალიბანის სპიკერმა კი თქვა, რომ მისი მებრძოლები ამ ფაქტში არ მონაწილეობდნენ, თუმცა აღნიშნა, რომ მისი მებრძოლები გააგრძელებენ მთავრობის მნიშვნელოვანი ფიგურების თავიდან მოცილებას, თუმცა მათ რიცხვში ჟურნალისტები ან სამოქალაქო საზოგადოების წევრები არ მოიაზრებიან.
ავტორი: ექსპრესნიუსი,
epn.ge (@expressnews.ge)
