პრემიერი - არავის მივცემთ საშუალებას, რელიგიურ ნიადაგზე, მოქალაქეებს შორის დაპირისპირების პროვოცირებას შეუწყოს ხელი

2021-01-15 11:15:51, 753 ნახვა

კომენტარი

არავის მივცემთ საშუალებას, რელიგიურ ნიადაგზე, მოქალაქეებს შორის დაპირისპირების პროვოცირებას შეუწყოს ხელი, - ასე გამოეხმაურა საქართველოს პრემიერ-მინისტრი, გიორგი გახარია სოფელ ბუკნარში განვითარებულ მოვლენებს.

მისივე თქმით, საქართველოს მთავრობა იყო და იქნება თითოეული მოქალაქის კონსტიტუციით განსაზღვრული უფლებების დაცვის გარანტი.

„მოგეხსენებათ,რომ რელიგიური მრავალფეროვნება ჩვენი ისტორიული ფაქტია და სიმდიდრე, ეს არის ის, თუ როგორ ვაშენებდით საუკუნეების განმვალობაში სახელმწიფოს და სახელმწიფოს მთავრობა იყო და იქნება გარანტი,თითოეული მოქალაქისთვის კონსტიტუციით უზრუნველყოფილი უფლებების შესრულებისთვის, არავის მივცემთ შესაძლებლობას, რომ საქართველოს მოქალაქის უფლებები იყოს შეზღუდული, თუმცა ასევე არავის მივცემთ შესაძლებლობას, უკანონო ქმედბებით რაიმე სახის პროვოცირება გაუწიონ რელიგიურ ნიადაგზე ჩვენს მოქალაქეებს შორის დაპირისპირებას.

შსს დაევალა, რომ იქ სადაც იქნება მცდელობა ელემენტარული, იმისთვის რომ რელიგიურ ნიადაგზე ხელი შეეწყოს ან პროვოცირება მოხდეს მოქალაქეებს შორის დაპირისპირების, სახელმწიფო და სამინისტრო იმოქმედებს უმკაცრესად", - განაცხადა გიორგი გახარიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან