წარმომადგენელთა პალატაში აშშ-ის მოქმედი პრეზიდენტის, დონალდ ტრამპის იმპიჩმენტისთვის ხმის მიცემის პროცედურა მიმდინარეობს.

აშშ-ის წარმომადგენელთა პალატაში „დემოკრატებმა“ წარადგინეს დონალდ ტრამპის იმპიჩმენტის შესახებ რეზოლუცია, ოპონენტები მოქმედ პრეზიდენტს ამბოხის წაქეზებაში ადანაშაულებენ.

ტრამპის იმპიჩმენტის მხარდაჭერას გეგმავს „რესპუბლიკელი“ ლიზ ჩეინი და ყოფილი „რესპუბლიკელი“ ვიცე-პრეზიდენტის, დიკ ჩეინის შვილი.

„არ ყოფილა აშშ-ის პრეზიდენტის მხრიდან მისი თანამდებობისა და ფიცისადმი ამაზე დიდი ღალატი“, – ნათქვამია ლიზ ჩეინის განცხადებაში.

„სიბიესის“ ცნობით, ამერიკელების 55 პროცენტი დონალდ ტრამპის ხელმეორე იმპიჩმენტს მხარს უჭერს, 45 პროცენტი კი წინააღმდეგია.

ამის შესახებ აღნიშნულია უახლეს კვლევაში, რომელიც ამერიკულმა ტელეკომპანიამ დღეს გაასაჯაროვა.

კითხვაზე, აშშ-ში კიდევ ხომ არ არის მოსალოდნელი ძალადობა, გამოკითხულთა 74 პროცენტმა უპასუხა, რომ „გარკვეულწილად მოსალოდნელია“.

გამოკითხულთა 59 პროცენტი მიიჩნევს, რომ 6 იანვარს კაპიტოლიუმში განვითარებული მოვლენები შეიძლება შეაფასო, როგორც ამბოხი და მთავრობის გადაყენების მცდელობა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე