ჯორჯ ბუში - კაპიტოლიუმზე თავდასხმა ჩაიდინა იმ ხალხმა, ვინც წააქეზეს ტყუილით და ცრუ იმედებით

2021-01-07 04:36:32, 666 ნახვა

მსოფლიო

აშშ-ს ყოფილი პრეზიდენტის ჯორჯ ბუში უმცროსის განცხადებით, ის და ლორა შეძრწუნებულია ზოგიერთი უპასუხისმგებლო ლიდერების ქცევებით და "ტრადიციების და სამართალდამცველების მიმართ გამოვლენილი უპატივცემულობით." - ასე გამოეხმაურა აშშ-ს ყოფილი პრეზიდენტი კაპიტოლიუმის შენობაში განვითარებულ მოვლენებს.

"შეძრწუნებული ვარ არჩევნების შემდეგ ზოგიერთი პოლიტიკური ლიდერის უპასუხისმგებლო ქცევებით და დღეს ჩვენი ინსტიტუტების, ტრადიციების და სამართალდამცველების მიმართ გამოვლენილი უპატივცემულობით. კაპიტოლიუმზე ძალადობრივი თავდასხმა, კონგრესის კონსტიტუციით განსაზღვრული სხდომის ჩაშლა, ჩაიდინა იმ ხალხმა, ვინც წააქეზეს ტყუილით და ცრუ იმედებით. ამბოხი დააზიანებს ჩვენს ქვეყანას და რეპუტაციას. აშშ-ში ყველა პატრიოტი მოქალაქის ვალია კანონის უზენაესობის დაცვა. მივმართავ მათ, ვინც არჩევნების შედეგებით იმედგაცრუებულია: ჩვენი ქვეყანა მომენტის პოლიტიკაზე უფრო მნიშვნელოვანია. მიეცით ხალხის მიერ არჩეულ ოფიციალურ პირებს შეასრულონ თავიანთი საქმე და უსაფრთხოდ და მშვიდობიანად წარმოადგინონ ხალხის ხმა". - ნათქვამია ჯორჯ ბუში უმცროსის განცხადებაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,