ჯორჯიის შტატში, აშშ-ის სენატის არჩევნებში დემოკრატიული პარტიის კიდევ ერთმა წარმომადგენელმა გაიმარჯვა. - ამის შესახებ ინფორმაციას „სიენენი“ ავრცელებს.

Associated Press-ის ინფორმაციით ჯორჯიაში სენატის არჩევნების მეორე ტურში დემოკრატმა ჯონ ოსოფმა მოქმედი რესპუბლიკელი სენატორი დევიდ პერდუ დაამარცხა. დათვლილია ხმების 98%. ოსოფს ხმების 50,3% აქვს მიღებული, პერდუს 49,7%.
ჯორჯიის სენატის სპეციალურ არჩევნებში გამარჯვებულად ასევე დემოკრატი რაფაელ ვარნოკი გამოაცხადდა. ამ დროისთვის დათვლილია ხმების 98%. ვარნოკმა ხმების 50.7% მიიღო, მეორე ტურში მისმა კონკურენტმა რესპუბლიკელმა კელი ლოფლერმა კი - 49.3%.
თუკი ჯორჯიის შტატში სენატორობისთვის გამართულ არჩევნებს „დემოკრატები“ მოიგებენ, კონგრესის ზედა პალატაში ადგილები შუაზე გაიყოფა და ორივე პარტიას 50 სენატორი ეყოლება. ხოლო ხმების შუაზე გაყოფის შემთხვევაში გადამწყვეტი ხმა არჩეულ ვიცე-პრეზიდენტს კამალა ჰარისს ექნება, რომელიც ასევე „დემოკრატიულ პარტიას“ წარმოადგენს.

გარდა ამისა, დემოკრატები გააკონტროლებენ სენატის დღის წესრიგს და უმრავლესობის ლიდერი, ნიუ-იორკის „დემოკრატი“ სენატორი ჩაკ შუმერი გახდება. ასევე, „დემოკრატებს“ შესაძლებლობა მიეცემათ, დაამტკიცონ ყველა დონის ფედერალური მოსამართლე, მათ შორის უმაღლეს სასამართლოში.

სენატზე კონტროლის მოპოვების შემთხვევაში, „დემოკრატები“ 11 წლის შემდეგ შეძლებენ როგორც აღმასრულებელი ხელისუფლების, ისე საკანონმდებლო ორგანოს ორივე პალატის გაკონტროლებას.

3 ნოემბერს გამართულ არჩევნებში, სენატში ჯორჯიის წარმომადგენელების ვინაობა ვერ გამოვლინდა, რადგან ვერცერთმა კანდიდატმა, ხმათა უმრავლესობის მიღება ვერ შეძლო. ამიტომ, ჯორჯიაში მეორე ტური დღეს მიმდინარეობს.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე