2021-01-05 17:56:09, 3482 ნახვა
ომი უკრაინაში
სომხეთის პრეზიდენტს კორონავირუსი დაუდასტურდა
სომხეთის პრეზიდენტს, არმენ სარქისიანს კორონავირუსი დაუდასტურდა.
ამის შესახებ ინფორმაციას ადგილობრივი მედია პრეზიდენტის ადმინისტრაციაზე დაყრდნობით ავრცელებს.
მათივე ცნობით, პრეზიდენტი ამ დროისთვის იზოლაციაში იმყოფება და მუშაობას დისტანციურ რეჟიმში განაგრძობს.
„არმენ სარქისიანმა ახალი წელი ლონდონში, ოჯახთან და შვილიშვილებთან ერთად გაატარა. 3 იანვარს მან ფეხის ოპერაცია გაიკეთა, რომელიც წარმატებით დასრულდა. ამასთან, პრეზიდენტს ახალი ტიპის კორონავირუსის სიმპტომები გამოუვლინდა. ჩატარებულმა ტესტმა დადებითი პასუხი აჩვენა. სარქისიანი იზოლაციაში გადავიდა და მუშაობას დროებით დისტანციურად გააგრძელებს“, - აცხადებენ პრეზიდენტის პრესსამსახურში.
ავტორი: ექსპრესნიუსი,
epn.ge (@expressnews.ge)
