ჯო ბაიდენი - ვიქნები პრეზიდენტი, რომელიც არ გაარჩევს წითელსა და ლურჯს, არამედ დაინახავს მხოლოდ ამერიკის შეერთებულ შტატებს

2020-11-08 12:07:47, 1331 ნახვა

მსოფლიო

ვიქნები პრეზიდენტი, რომელიც არ გაარჩევს წითელსა და ლურჯს, არამედ დაინახავს მხოლოდ ამერიკის შეერთებულ შტატებს, - ამის შესახებ ჯო ბაიდენმა აშშ-ს საპრეზიდენტო შედეგების გამოცხადების შემდეგ მოსახლეობისადმი მიმართვისას განაცხადა.

ჯო ბაიდენმა მოსახლეობას მხარდაჭერისთვის მადლობა გადაუხადა.

„დროა უხეში რიტორიკა გვერდზე გადავდოთ, დავწიოთ ტემპერატურა და ისე დავინახოთ ერთმანეთი. მოვუსმინოთ ერთმანეთს და მივაღწიოთ პროგრესს. დროა, შევწყვიტოთ ჩვენი ოპონენტების მტრებად აღქმა, ისინი ჩვენი მტრები არ არიან, ისინი ამერიკელები არიან. მე ვიქნები პრეზიდენტი, რომელიც არ გაარჩევს წითელსა და ლურჯს, არამედ დაინახავს მხოლოდ ამერიკის შეერთებულ შტატებს, თითოეულ მოქალაქეს. დროა ჩვენმა უკეთესმა მხარემ გაიმარჯვოს“, - განაცხადა ჯო ბაიდენმა.

ცნობისთვის, აშშ-ის რიგირთ 46-ე პრეზიდენტი დემოკრატი ჯო ბაიდენი გახდა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან