„აღნიშნული ფაქტი სიძულვილი და ცილისწამების პროპაგანდაა“, - ამის შესახებ საფრანგეთის საგარეო საქმეთა მინისტრი ავრცელებს განცხადებას.

ჟან-ივ-ლე დრიანი გმობს თურქეთის პრეზიდენტის მიერ საფრანგეთის პრეზიდენტის ემანუელ მაკრონის მისამართით გაკეთებულ განცხადებას, რომლის თანახმადაც რეჯეფ თაიფ ერდოღანმა განაცხადა, რომ მაკრონმა ცნობიერებაზე კონტროლი დაკარგა და ფსიქიკაზე მკურნალობა ესაჭიროება.

ამის შესახებ ინფორმაციას ფრანგული მედია sputnik france ავრცელებს.

„თურქეთის ხელისუფლების მხრიდან რაიმე სახის დაგმობის ან სოლიდარობის ოფიციალური ნიშნების არარსებობას, ტერაქტიდან რამდენიმე დღის შემდეგ, საფრანგეთის მიმართ სიძულვილისა და ცილისწამების პროპაგანდა დაემატა. ეს ადასტურებს, სურვილს გააღვივოს სიძულვილი ჩვენს წინააღმდეგ. ასევე პირდაპირი შეურაცხყოფაა რესპუბლიკის პრეზიდენტის მიმართ თურქეთის სახელმწიფოს ყველაზე მაღალ დონეზე“, - ნათქვამია საფრანგეთის საგარეო საქმეთა მინისტრის განცხადებაში.

როგორც ვიცით, აღნიშნულს საფრანგეთის მხრიდან ანკარადან ელჩის გაწვევა მოჰყვა.

ცნობისთვის, თურქეთის პრეზიდენტმა რეჯეფ თაიფ ერდოღანმა საფრანგეთის პრეზიდენტი ემანუელ მაკრონი მუსლიმებთან და ისლამთან დამოკიდებულების გამო გააკრიტიკა.

„რა პრობლემა აქვს პიროვნებას, სახელად მაკრონს მუსლიმებთან და ისლამთან? მაკრონს ფსიქიკურ დონეზე მკურნალობა სჭირდება“, - განაცხადა ერდოღანმა.

ინფორმაციისთვის, რამდენიმე დღის წინ საფრანგეთის პრეზიდენტმა განაცხადა, რომ ის „ისლამისტური სეპარატიზმის“ წინააღმდეგ იბრძოლებს. მისივე თქმით, "ისლამისტური სეპარატიზმი" საფრთხეს უქმნის საფრანგეთს, რადგან იგი ყველაფერზე მაღლა საკუთარ კანონებს აყენებს და ხშირად კონტრსაზოგადოებას ქმნის.

ავტორი: ექსპრესნიუსი,

სოციალური ქსელები

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ