თბილისის საქალაქო სასამართლომ დედაქალაქის ყოფილი მერი გიგი უგულავა „თბილსერვისის“ ეპიზოდზე დამნაშავედ ცნო და 9 წლით თავისუფლების აღკვეთა მიუსაჯა, თუმცა ამნისტიის შესახებ კანონის საფუძველზე, საბოლოოდ  4 წლითა და 6 თვით პატიმრობა განესაზღვრა.

ამასთან, სასამართლომ უგულავას,  6 თვით სახელმწიფო თანამდებობაზე მუშაობა აუკრძალა.სასჯელის ათვლა დაიწყო გიგი უგულავას ფაქტობრივი დაკავების მომენტიდან.

„რიყის“ გასხვისების ეპიზოდზე კი, სასამართლომ თბილისისი ყოფილი მერი უდანაშაულოდ ცნო.ამავე ეპიზოდზე უდანაშაულოდ იქნა ცნობილი თავდაცვის ყოფილი მინისტრი დავით კეზერაშვილი.

შესაბამისი გადაწყვეტილება მოსამართლე ლაშა ჩხიკვაძემ მიიღო.

ცნობისთვის, დღეს  დაცვის მხარემ „თბილსერვისისა“ და რიყის გასხვიების საქმეზე სასამართლო პროცესის 1 კვირით გადადების შუამდგომლობა დააყენეა. თუმცა, მოსამართლე ლაშა ჩხიკვაძემ ეს შამდგომლობა არ დააკმაყოფილა.

ასევე სხდომაზე, მოსამართლემ უგულავას საშუალება მისცა, საბოლოო სიტყვა ეთქვა, თუმცა, ბრალდებულმა ამაზე უარი განაცხადა.

„არ ვაპირებ საბოლოო სიტყვის თქმას. იმდენი თავმოყვარეობა მაქვს, როცა ვიცი ჩემი მოსმენა არ უნდათ,  არ ვილაპარაკებ.ფორმალობაში მონაწილეობას არ მივიღებ. თქვენ, მოსამართლევ ჩემი საბოლოო სიტყვა არ გაინტერესებთ. არ აინტერესებს პროკურორებს, სასამართლოს. საზოგადოებამ ისედაც ყველაფერი იცის“, – აღნიშნა უგულავამ სასამართლო პროცესზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირში მეორე სამხედრო ქარხანა აფეთქდა, რომელიც უკრაინისთვის იარაღის მომწოდებლებთან იყო დაკავშირებული

უკრაინამ რუსეთს შავ ზღვაში ცეცხლის შეწყვეტა შესთავაზა

გებელსიადა ComCom-ში საბჭოთა ცენზურის დაცვით

„ქართული ოცნების“ გამოცხადებული ღალატის ქრონიკა