აჭარის მთავრობის თავმჯდომარის, თორნიკე რიჟვაძის ხელმძღვანელობით კორონავირუსთან დაკავშირებით შექმნილი ოპერატიული შტაბის სხდომა  გაიმართა და გაკეთდა განცხადებები.

სექტემბრის თვეში, აჭარაში 415  კოვიდინფიციერბული პირი გამოჯანმრთელდა, დღეს ამოქმედებული ახალი პროტოკოლის თანახმად კოვიდსასტუმროებიდან და კოვიდკლინიკებიდან შესაბამისი სამედიცინო შემოწმების შემდეგ, გაეწერა 400-ზე მეტი პირი.

აჭარის მთავრობის ხელმძღვანელის განცხადებით ვითარება არის რთული, თუმცა არის აბსოლუტურად მართვადი, ვინაიდან არც ერთი პაციენტი აჭარაში არ არის ძირითადი სამედიცინო სერვისის გარეშე.

,,აბსოლუტურად გავმართეთ როგორც ცხელი ხაზი, ასევე რეაგირების მექანიზმები, რაც მოგვცემს საშუალებას, რომ ერთეული არსებული ხარვეზები მინიმუმამდე დავიყვანოთ.

მინდა მოსახლეობას მადლობა გადავუხადო, ვინაიდან ბოლო დღეებში ჩვენ განსაკუთრებით ვგრძნობთ მათ გვერდში დგომას. ჩვენ მოგვიწია დროებითი შემზღუდავი ღონისძიებების შემოღება, თუმცა მოქალაქეები გაგებით ეკიდებიან და მადლობას ვუხდი მათ. ზუსტად ჩვენს ერთიანობაზე არის დამოკიდებული, თუ რამდენად მალე დავასტაბილურებთ არსებულ მდგომარეობას" - განაცხადა თორნიკე რიჟვაძემ.

აჭარაში შექმნილი ეპიდემიოლოგიური ვითარების გათვალისწინებით მიმდინარეობს ინტენსიური მიზნობრივი ტესტირება და გარდა ამისა PCR ტესტირება ხორციელდება ბათუმის ორ პოლიკლინიკაში. PCR ტესტირება ასევე ტარდება ცხელების ცენტრებში, სტაციონარებში, სასაზღვრო პუნქტებზე, კარანტინებში.

რეგიონში მოსახლეობის მხრიდან მომატებული მომართვიანობიდან გამომდინარე, გაძლიერდა ცხელი ხაზი - 144.

ავტორი: NS (სტატია დაფინანსებულია),

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან