„ბოდიშს ვიხდით ფარერებში წაგების გამო, დღეისათვის კლუბს მაღალკვალიფიციური მენეჯერები მართავენ“ , -  ამის შესახებ თბილისის „დინამო“ სოციალურ ქსელში განაცხადა.

განცხადებაში აღნიშნულია, რომ მარცხის განზოგადება კლუბის მთლიან საქმიანობაზე „დინამოში“ არასწორად მიაჩნიათ.

„რომან ფიფია არის კლუბის მფლობელი და პრეზიდენტი. დღეისათვის კლუბის მართვას ახორციელებენ მაღალკვალიფიციური მენეჯერები, რომლებიც უზრუნველყოფენ კლუბისა და დინამოს ბავშთა საფეხბურთო აკადემიის გამართულ მუშაობას.

ფარერებზე უეფას ევროპა ლიგის მესამე საკვალიფიკაციო რაუნდის მატჩში ასეთი დიდი ანგარიშით დამარცხება ძალიან მტკივნეული იყო დინამოსთვის და გულშემატკივრებისთვის, რისთვისაც ბოდიშს ვიხდით. ჩვენ ვათვითცნობიერებთ და ვიღებთ ნებისმიერ ობიექტურ და ჯანსაღ კრიტიკას. ამასთანავე, ამ მტკივნეული მარცხის განზოგადება კლუბის მთელ საქმიანობაზე არასწორად მიგვაჩნია“ , - ვკითხულობთ განცხადებაში.

შეგახსენებთ, რომ „დინამომ“ ბოდიში კლუბის პრეზიდენტისა და მენეჯერის საჯარო გამოსვლის შემდეგ მოიხდა, სადაც კლუბის წარმომადგენლებმა წაგების მიზეზად ფარერების კუნძულზე ფეხბურთის განვითარება დაასახელეს.

ასევე შეგახსენებთ, რომ თბილისის „დინამომ“ თითქმის არაპროფესიონალ ფარერების გუნდთან ანგარიშით 1:6 წააგო.

ავტორი: ექსპრესნიუსი,

სოციალური ქსელები

კობა ფარტენაძის თქმით, მას ბათუმში თავს კიდევ ერთხელ დაესხნენ

შსს - დავაკავეთ 3 პირი, რომლებიც ცივი იარაღის მუქარით, ორ მოქალაქეს სხვადასხვა ბანკიდან ონლაინ სესხის აღებას აიძულებდნენ

ავტომობილის ქურდობის ბრალდებით, 2 პირი, მათ შორის, ერთი არასრულწლოვანი დააკავეს

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა