თამარ ბაჩალიაშვილის მანქანაზე ე.წ „ბუზების ექსპერიმენტი“ მიმდინარეობს

2020-09-17 13:02:20, 727 ნახვა

სამართალი

საექსპერიმენტო მოქმედება ქვემო ქართლის პოლიციის დეპარტამენტში ხორციელდება. საგამოძიებო მოქმედებებს ბაჩალიაშვილის მამა, ჯუმბერ ბაჩალიაშვილიც ესწრება.

„ადამიანის უფლებათა ცენტრის“ წარმომადგენლის, ეკატერინა ქობესაშვილის განცხადებით, ექსპერიმენტის შედეგად უნდა დადგინდეს, ბაჩალიაშვილის მანქანაში აღმოჩენილი მწერების სახეობა.

„ორი თვის გასვლის მერე დაგვიკავშირდა გამოძიება. გვითხრა, რომ დამატებითი საგამოძიებო მოქმედებები ტარდებოდა მანქანაზე. რა მწერებია ამ მანქანაში აღმოჩენილი და არის თუ არა ბალახის ან სხვა მცენარის ნარჩენები. მისაღები გვაქვს სამედიცინო დასკვნაც“, - განაცხადა ქობესაშვილმა.

ცნობისთვის, ბაჩალიაშვილების ოჯახმა დახურულ საკალმახე „ალგეთში“ ყოფნის დროს სავარაუდოდ იგივე სახის მწერები ნახა, რაც გარდაცვლილის ცხედარზე აღმოაჩინეს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან