2015-09-15 10:41:15, 497 ნახვა
პოლიტიკა
ოთარ დანელია პარლამენტში რთველის მიმდინარეობის შესახებ ინფორმაციას წარადგენს
სოფლის მეურნეობის მინისტრი ოთარ დანელია პარლამენტში რთველის მიმდინარეობის შესახებ ინფორმაციას წარადგენს.
როგორც „ექსპრესნიუსს“ სოფლის მეურნეობის სამინისტროდან აცნობეს, ოთარ დანელია რთველი 2015-ის მიმდინარეობის შესახებ ინფორმაციას პარლამენტის დარგობრივი ეკონომიკისა და ეკონომიკური პოლიტიკის კომიტეტისა და აგრარულ კომიტეტების გაერთიანებულ სხდომაზე წარადგენს.
სხდომას ღვინის კომპანიის წარმომადგენლები, დარგის სპეციალისტები და მევენახეები დაესწრებიან. პარლამენტში ოთარ დანელიას გამოსვლა მინისტრისა და შესაბამისი კომიტეტების წინასწარი კომუნიკაციის შემდეგ გადაწყდა. მინისტრმა სხდომაზე ინფორმაციის მიწოდების სურვილი, საზოგადოების მაღალი ინტერესის გათვალისწინებით, გამოთქვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
