ლევან გოგიჩაიშვილის ინფიცირების მიუხედავად პარლამენტი მუშაობას აგრძელებს.

ამის შესახებ ინფორმაციას უწყების პრესამსახური ავრცელებს.

„დაავადებათა კონტროლის ეროვნული ცენტრის რეკომენდაციის თანახმად, ყველა პირი,  ვისაც ჰქონდა ინფიცირებულთან კონტაქტი 5 სექტემბრის შემდეგ, გადავა თვითიზოლაციაში და ჩაუტარდება ტესტირება. სპეციალური სადეზინფექციო საშუალებებით დამუშავდება დეპუტატის სამუშაო სივრცე. გარდა ამისა, პარლამენტის შენობაში გაგრძელდება რეგულარული დეზინფექცია.

შენობაში შესვლისას ყველა პირი გაივლის  თერმოკონტროლს. დაწესებულია მონიტორინგი პირბადის გამოყენებაზე.

საკანონმდებლო ორგანო განაგრძობს  ფუნქციონირებას  ჯანმრთელობის მსოფლიო ორგანიზაციის და დაავადებათა კონტროლის ეროვნული  ცენტრის   რეკომენდაციების შესაბამისად“ , -  ვკითხულობთ განცხადებაში.

შეგახსენებთ, რომ დეპუტატ ლევან გოგიჩაიშვილსა და მის მეუღლეს, ტელეკომპანია "პირველის" ჟურნალისტს კოვიდ-19 დაუდასტურდათ.

ავტორი: ექსპრესნიუსი,

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ