იაპონიის პრემიერი აბე ჯანმრთელობის გაუარესების გამო თანამდებობას ტოვებს

2020-08-28 11:48:28, 5763 ნახვა

მსოფლიო

იაპონიის პრემიერ მინისტრი სინძო აბე რამდენიმე დღეში თანამდებობას დატოვებს.

იაპონური მედიის განცხადებით, პრემიერის გადადგომის მიზეზი, ჯანმრთელობის მდგომარეობის მკვეთრი გაუარესებაა.

აბემ მმართველი კუალიციის დეპუტატებს გადაწყვეტილების შესახებ უკვე აცნობა.

იაპონური მედია, პერიოდულად წერდა მინისტრთა კაბინეტის მეთაურის ჯანმრთელობის მდგომარეობის გაუარესების შესახებ. გასულ კვირას აბე საკუთარ კაბინეტში ცუდად გახდა, მას მედიკოსების დახმარება დაჭირდა.ამასთან ბოლო ორ კვირაში მან ორჯერ გაიარა სამედიცინო შემოწმება.

ჯანმრთელობის გამო პრემიერ მინისტრობის თანამდებობიდან აბე გადადგა 2007 წლის 12 სექტემბერს. 2012 წლის დეკემბერში მეორე ვადით აირჩიეს პრემიერ-მინისტრად.

იგი ყველაზე დიდიხანია ქვეყნის მართველია იაპონიის უახლეს ისტორიაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,