თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის ათი ახალი შემთხვევიდან ორის ინფიცირების წყარო ამ ეტაპზე უცნობია.

მისივე თქმით, ახალი შემთხვევებიდან ერთი ლენჯერს, ერთი ქობულეთს უკავშირდება, ერთი შემთხვევა ინფიცირებულთან კონტაქტს განეკუთვნება, ოთხი შემოტანილია, ხოლო ერთი სამედიცინო პერსონალია.

„გუშინდელი მონაცემებით ქვეყანაში გახლდათ 1341 დადასტურებული შემთხვევა და დღეს დაგვემატა ინფიცირების 10 ახალი შემთხვევა. 18 აგვისტოს მონაცემებით საერთო ჯამში დადასტურებულ შემთხვევათა რაოდენობა 1351-ს შეადგენს. ახალი შემთხვევების კონფიგურაცია ასეთი გახლავთ. 1 პაციენტის წყარო ლენჯერია, მეორე პაციენტის წყარო ბუნგალო „ჰავანაა“, კიდევ ერთ პაციენტს დადასტურებულ შემთხვევასთან ჰქონდა კონტაქტი, 4 პაციენტის შემთხვევაში იმპორტირებულია და აქედან ერთი სატვირთო ავტომანქანის მძღოლია. კიდევ 1 გახლავთ სამედიცინო პერსონალი და ორი პაციენტის კონტაქტების მოკვლევა გრძელდება წყაროს დადგენის თვალსაზრისით. გამოჯანმრთელებულების რაოდენობა მხოლოდ 6-ით გაიზარდა და ამ დროისთვის შეადგენს 1098. გვყავს 6 კრიტიკული პაციენტი, მძიმეთა სიაში პაციენტების რაოდენობა გახლავთ 23“, - განაცხადა მარინა ეზუგბაიამ.  

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს