ბელარუსის დედაქალაქ მინსკში რუსული კერძო სამხედრო კომპანია „ვაგნერის“ 33 დაქირავებული მებრძოლი დააკავეს. არსებული ინფორმაციით, ყველა დაკავებული პირი რუსეთის მოქალაქეა. როგორც სააგენტო „ბელტა“ იუწყება, დაქირავებული მებრძოლები ბელარუსში სიტუაციის დესტაბილიზაციის მიზნით ჩავიდნენ. სხვა დეტალები ამ ეტაპზე უცნობია.

მინსკში წუხელ დაკავებულ „უცხოელ მებრძოლთა“ დიდი ნაწილი, 20 კაცი, უკრაინაში მოქმედი ცნობილი არასამთავრობო ცენტრის, „მშვიდობისმყოფელის“ ("Миротворец“), მონაცემთა ბაზაში ფიგურირებს.

ამ 20 კაციდან 5 მონაწილეობდა აღმოსავლეთ უკრაინასა და სირიაში მიმდინარე საბრძოლო მოქმედებებში.

დაკავებულთა უმრავლესობა უკრაინის მოქალაქეა - ძირითადად დონეცკიდან და ლუგანსკიდან და, ასევე, სავარაუდოდ, ოდესიდან. ამის შესახებ რადიო თავისუფლებას აცნობა ცენტრ „მშვიდობისმყოფელის“ აღმასრულებელმა დირექტორმა, რომან ზაიცევმა.

ვაგნერი, ოფიციალურად, კერძო რუსული სამხედრო კომპანიაა, რომელიც ვლადიმერ პუტინის მზარეულად ცნობილ, ევგენი პრიგოჟინს უკავშირდება. ვაგნერის მებრძოლები ამ დროისთვის რამდენიმე კონფლიქტურ ზონაში იმყოფებიან, მათ შორის სირიაში, ლიბიაში და ცენტრალური აფრიკის რესპუბლიკაში.

ავტორი: ექსპრესნიუსი,

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან