2020-06-15 11:12:15, 17972 ნახვა

---

სოფელ მეტეხში მცხოვრები რესპუბლიკური საავადმყოფოს ინფიცირებული სანიტრის ოჯახის ოთხ წევრს კორონავირუსი დაუდასტურდა

საქართველოში გამოვლენილი კორონავირუსის 15 ახალი შემთხვევიდან ოთხი შიდა ქართლში დაფიქსირდა.

კორონავირუსი კასპის მუნიციპალიტეტის სოფელ მეტეხში მცხოვრები ინფიცირებული სანიტრის ოჯახის წევრებს დაუდასტურდათ, საიდანაც 2 არასრულწლოვანია.

თბილისის რესპუბლიკური სავადმყოფოს სანიტარს კორონავირუსი გუშინ დაუდასტურდა, რის შემდეგაც მასთან კონტაქტში მყოფი ყველა პირი თვითიზოლაციის რეჟიმში იმყოფებოდა.

ამასთან, გუშინ სოფელ მეტეხში მთელი დღის განმავლობაში ეპიდემიოლოგები მუშაობდნენ  და მიმდინარეობდა ღრმა ეპიდკვლევა.

ცნობისთვის, ბოლო ოთხი დღის განმავლობაში, შიდა ქართლში კორნავირუსის 9 ახალი შემთხვევა დადასტურდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი