„ბუნებრივია, ტიკარაძეს მთავარ საკანონმდებლო ორგანოში მისვლის პასუხისმგებლობის შეგრძნება არ გააჩნია და წინანდელ როლშია ჩარჩენილი, როდესაც ბიძინა ივანიშვილის ოჯახის პირადი ექიმი იყო“, - ამის შესახებ „ნაციონალური მოძრაობის“ მდივანმა თინა ბოკუჩავამ განაცხადა.

მისი თქმით, ნორმალურ ქვეყნებში ჯანდაცვის მინისტრი და მთავრობის სხვა წარმომადგენლები სისტემატურად დადიოდნენ ქვეყნის მთავარ საკანონმდებლო ორგანოში.

„ნორმალურ ქვეყნებში ჯანდაცვის მინისტრი და მთავრობის სხვა წარმომადგენლები სისტემატურად დადიოდნენ ქვეყნის მთავარ საკანონმდებლო ორგანოში იმიტომ, რომ ესაა სწორედ ის ადგილი, სადაც საზოგადოებაში დაგროვილ კითხვებს პასუხობენ მინისტრები. ბუნებრივია, ტიკარაძეს ამ პასუხისმგებლობის შეგრძნება არ გააჩნია და წინანდელ როლშია ჩარჩენილი, როდესაც ბიძინა ივანიშვილის ოჯახის პირადი ექიმი იყო“, - განაცხადა თინა ბოკუჩავამ.

შეგახსენებთ, რომ ჯანდაცვის მინისტრი ეკატერინე ტიკარაძე „დამოუკიდებელმა დეპუტატებმა“ პარლამენტში კოვიდის წინააღმდეგ გატარებული ღონისძიებებისა და 520-ე დადგენილების განხილვისთვის დაიბარეს. ერთი დღით ადრე კი მან დეპუტატებს მისწერა, რომ პარლამენტში არ მივიდოდა და მისვლის თარიღის გადავადება ივნისის ბოლომდე ითხოვა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის