მდინარაძე - გახარიას მოკლე პერიოდში სამჯერ მოუწევს პარლამენტში მოსვლა და ყველა კითხვას დარწმუნებული ვარ, ამომწურავ პასუხებს გასცემს

2020-05-21 15:12:08, 1307 ნახვა

კომენტარი

საპარლამენტო უმრავლესობის ლიდერის, მამუკა მდინარაძის განცხადებით, ოპოზიცია ამბობდა თითქოს გახარიას პარლამენტში მისვლაზე "გული უსკდებოდა".

მისი თქმით, მოკლე პერიოდში გახარიას სამჯერ უწევს პარლამენტში მისვლას და ის დარწმუნებულია, რომ პრემიერი ყველა კითხვას ამომწურავად გასცემს პასუხს.

„მე პირადად ბევრი კითხვა არ მაქვს პრემიერთან, რადგან ჩართული ვარ ყოველდღიურად, მათ შორის, გადაწყვეტილების მიღების და აღსრულების პროცესში ისევე, როგორც ბევრი პარლამენტარი. როცა ოპოზიცია ამბობდა, რომ თითქოს გიორგი გახარიას გული უსკდებოდა პარლამენტში მოსვლაზე და მათი კითხვების გაგონებაზე, 27- შიც მოდის, 29 - შიც ინტერპელაციით მოდის, ივნისშიც უკვე რეგლამენტის თანახმად უწევს მოსვლა, ანუ მოკლე პერიოდში სამჯერ მოუწევს მოსვლა და ყველა კითხვას დარწმუნებული ვარ, ამომწურავ პასუხებს გასცემს“, - განაცხადა მდინარაძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან