სასწრაფო სამედიცინო დახმარების ექიმი, რომელიც წუხილს გამოთქვამდა იმის გამო, რომ ახალი კორონავირუსით ინფიცირების მიუხედავად, მუშაობის გაგრძელებას აიძულებდნენ, საავადმყოფოს ფანჯრიდან გადავარდა. მისი მდგომარეობა კრიტიკულია. ამის შესახებ The Moscow Times რუსულ ადგილობრივ მედიაზე დაყრდნობით წერს.
37 წლის შულეპოვმა და მისმა კოლეგამ 22 აპრილს ვიდეო გამოაქვეყნეს, სადაც ჩივიან, რომ ქალაქ  ნოვაია უსმანის საავადმყოფოს მთავარი ექიმი მუშაობას აიძულებს მათ, მიუხედავად იმისა, რომ კოვიდინფიცირებულები არიან.
სამი დღის შემდეგ გავრცელებულ კიდევ ერთ ვიდეოში ალექსანდ შულეპოვმა უარყო პირველ ჩანაწერში გამოთქმული პრეტენზიები და ეს მის ემოციურ მდგომარეობას დაუკავშირა.

ჯანდაცვის ადგილობრივ დეპარტამენტში ამ განცხადებებს სიყალბე უწოდეს. რუსული მედია წერს, რომ ქვეყანაში კორონავირუსის ეპიდემიის დროს, ფანჯრიდან უკვე მესამე ექიმი გადავარდა.

რამდენიმე ხნის შემდეგ საავადმყოფოს რამდენიმე თანამშრომელი პნევმონიით დაავადდა. საავადმყოფო სასწრაფოთ ჩაკეტეს, ასობით თანამშრომელთან და პაციენტთან ერთად.

ტესტირების შედეგად 10 აპრილის მონაცემებით კორონავირუსით 170 ექიმი და პაციენტია დაავადებული.

"მთელი მედპერსონალი, ეს კი 100-ზე მეტი ადამიანია, ყოველგვარი გაფრთხილების გარეშე ჩაკეტეს. გამოცხადდა კარანტინი, სისხლის სამართლის პასუხისმგებლობის მუქარით ყოველგვარი გადაადგილება აიკრძალა. ამასთან, ექიმებს არ ჰქონდათ საკვები და ღამის გასათევი ადგილიც კი, ადმინისტრაცია კი ფანჯრიდან გაიპარა," - განუცხადა "Эхо Москвы"-ის ერთერთმა იურისტმა, რომლის ვინაობაც არ სახელდება.ანასტასია ვასილევა, რუსეთის ჯანდაცვის მუშაკთა პროფესიული გაერთიანება „ექიმთა ალიანსის“ ლიდერი, ერთ-ერთია, ვინც ღიად საუბრობს რუსეთში არსებულ პრობლემებსა და გამოწვევებზე.

„თქვენი არ ვიცი, მაგრამ მე მაქვს განცდა, რომ ჩვენ ყველას, სრულ იდიოტებად გვთვლიან. ხელისუფლებასარაფრად  უღირს  ექიმების, რიგითი ადამიანების სიცოცხლე, მხოლოდ საკუთარი ამბიციები და ფინანსური კეთილდღეობა ადარდებს.

სულ მაინტერესებს, კიდევ რამდენ ხანს  ავიტანთ ამ ტყუილებს და შეურაცხყოფას, რომელიც ყოველდღიურად გეომეტრული პროგრესიით იზრდება. 

ბოლო 20 წლის მანძილზე  ჩვენს ქვეყანაში დაიხურა  7000-ზე მეტი სამედიცინო დაწესებულება, 30 000-ზე მეტი ექიმი თუ ექთანი დაითხოვეს სამსახურიდან; მათ შორის  სტრატეგიულად მნიშვნელოვანი  ინფექციური პროფილის და სანეპიდსადგურის ექიმები.

ახლა კი, ამ  გლობალური და მართლა სერიოზული პანდემიის ფონზე, ხელისუფლება გვარწმუნებს, რომ ყველაფერი "კონტროლის ქვეშაა.“ 

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს