საქართველოს თავდაცვის მინისტრმა, ირაკლი ღარიბაშვილმა ტელეკომპანია „იმედის“ გადაცემაში „ღია ეთერი“ თავდაცვის უწყების მიერ კორონავირუსის გავრცელების პრევენციის მიზნით გატარებულ ღონისძიებებზე და კონტროლის მექანიზმებზე ისაუბრა.

განცხადებაში, მან აღნიშნა, რომ თანამშრომელბს აეკრძალათ სამსახურში გამოცხადება და გაიწერა დეტალური პროტოკოლი თუ ვინ როგორ უნდა იმოქმედოს.

 “ჩვენ გავწერეთ თეორიული რისკები და ავუკრძალეთ ჩვენს თანამშრომლებს სამსახურში გამოცხადება. მთელი პროტოკოლი გაიწერა დეტალური, ვინ რას აკეთებს, ვინ რაზეა პასუხისმგებელი. მაქსიმალურად გავამკაცრეთ თვითიზოლაციის პირობებში მყოფი თანამშრომლების მონიტორინგი და მას სამხედრო პოლიცია აწარმოებს. ასევე ბრძანებაში გაიწერა ისიც, რომ თვითიზოლაციის დარღვევის შემთხვევაში, მათ არამხოლოდ სამსახურიდან დავითხოვთ, არამედ შესაძლოა დაეკისროთ სისხლის სამართლის პასუხისმგებლობა. იყო გარკვეული შემთხვევები და ამაზე მყისიერი რეაგირება მოახდინა სამხედრო პოლიციამ“, - განაცხადა ირაკლი ღარიბაშვილმა.

მინისტრმა ხაზგასმით აღნიშნა მოქალაქეობრივი პასუხისმგებლობის მნიშვნელობა როგორც უწყების თანამშრომლების, ასევე რიგითი მოქალაქეების მხრიდან.

 „ასეთ ვითარებაში, როდესაც მთავრობა ასეთი სერიოზულობით, ამხელა ძალისხმევით რეაგირებს, არ შეიძლება, საპასუხო რეაგირება არ მომდინარეობდეს არა მხოლოდ ჩვენი თანამშრომლებისგან, არამედ მოქალაქეების მხრიდანაც. ეს არის ჩვენი საერთო პასუხისმგებლობა და სამოქალაქო თვითშეგნება“, - განაცხადა ღარიბაშვილმა.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა