2020-04-03 14:43:59, 1900 ნახვა

---

დავითაშვილი - ასეთ რთულ ვითარებაში ჩვენ თანამოქალაქეების მინიმალური საჭიროებების უზრუნველყოფა რომ შევძლოთ, მაქსიმალური სოლიდარობა გვჭირდება

„მთელი მთავრობა, პრემიერ-მინისტრის ხელმძღვანელობით, იყო გადაწყვეტილების მიღების მონაწილე, როცა განიხილებოდა სოლიდარობის კამპანიის დაწყება, რომელიც სრულად მხარდაჭერილია პარტიის თავმჯდომარის, ბიძინა ივანიშვილის მიერ,  გაზიარებული პარლამენტის წევრების, პოლიტიკური თანამდებობის პირების, „ქართული ოცნების” ხელმძღვანელი პირების მიერ”.

გარემოს დაცვისა და სოფლის მეურნეობის მინისტრმა აღნიშნული განცხადება საკოორდინაციო საბჭოს დასრულების შემდეგ გააკეთა.

„ვფიქრობ, ეს არის საყოველთაო სოლიდარობის ღონისძიებების დაწყების ნიშანი. ჩვენი სოლიდარობით, ჩვენი ერთიანობით უნდა გავუმკლავდეთ იმ გამოწვევას, რომელიც ახალი ინფექციის გავრცელების რისკმა შექმნა. ასეთ რთულ ვითარებაში ჩვენ თანამოქალაქეების მინიმალური საჭიროებების უზრუნველყოფა რომ შევძლოთ, მაქსიმალური სოლიდარობა გვჭირდება. ვისაც აქვს შესაძლებლობა, მან უნდა გაიღოს და ის ინიციატივა, რომელიც „ქართული ოცნების” პოლიტიკური გუნდის მიერ არის წამოწყებული, ვფიქრობ, რომ იქნება მაგალითი როგორც საჯარო სექტორში, ასევე კერძო სექტორში დასაქმებულებისთვის”, - განაცხადა ლევან დავითაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი