რუსეთის ფედერაციის რამდენი მოქალაქე, საოკუპაციო რეჟიმის წევრი შეიყვანეთ ბოლო ერთ წელიწადში „ოთხოზორია-ტატუნაშვილის სიაში“?! - ამ კითხვით მიმართა „ევროპული საქართველოს“ ერთ-ერთმა ლიდერმა სერგი კაპანაძემ პრემიერ-მინისტრ მამუკა ბახტაძეს, რომელსაც პარლამენტში ინტერპელაციის წესით უსმენენ.

„2018 წლის ივნისში მივიღეთ „ოთხოზორია-ტატუნაშვილის სია“. 2019 წლის ივნისი იწყება ხვალ. თქვენი ციტატაა, რომ ეს სია გაფართოვდება, დაიხვეწება და მასში ყველა ჯალათი მოხვდება. ასევე თქვენი ციტატაა, რომ არამარტო უშუალო შემსრულებლები, არამედ ამ სიაში მოხვდებიან ის ადამიანებიც, რომლებმაც დამნაშავეებს ხელი დააფარეს. თქვენ ასევე ამბობდით, რომ მათ შორის იქნებიან რუსეთის ფედერაციის მოქალაქეებიც. მინდა კონკრეტული პასუხი კითხვაზე და არა ლირიკა: რუსეთის ფედერაციის რამდენი მოქალაქე, საოკუპაციო რეჟიმის წევრი შეიყვანეთ ბოლო ერთ წელიწადში ამ სიაში?! კონკრეტულად, სახელები, გვარები და რამდენი. თუ არ შეგიყვანიათ, რატომ? იმიტომ, რომ არ ასრულებს მთავრობა ჯეროვნად თავის მოვალეობას, თუ იმიტომ, რომ არ მიგაჩნიათ, რომ რუსეთის ფედერაციის მოქალაქეები შესაყვანი არიან ამ სიაში“, - მიმართა სერგი კაპანაძემ პრემიერს.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე