ნათია თურნავამ და შეიხმა მოჰამედ ბინ ხალიფა ალ ხალიფამ RPM W.L.L-ის ურთიერთგაგების მემორანდუმი გააფორმეს

2019-05-04 11:10:44, 2011 ნახვა

ეკონომიკა

საქართველოს ეკონომიკისა და მდგრადი განვითარების სამინისტროსა და RPM W.L.L.. ურთიერთგაგების მემორანდუმი გაფორმდა. დოკუმენტს ხელი ეკონომიკისა და მდგრადი განვითარების მინისტრმა ნათია თურნავამ და შეიხმა მოჰამედ ბინ ხალიფა ალ ხალიფამ მოაწერეს.

მემორანდუმის თანახმად, კორპორაცია RPM W.L.L.. დაინტერესებულია საქართველოში განახორციელოს სხვადასხვა საინვესტიციო პროექტები ქვეყნის ეკონომიკის სხვადასხვა სექტორებში, მათ შორის ენერგეტიკაში, მრეწველობაში, ნავთობისა და გაზის გადამუშავებასა და სხვ. კორპორაციამ ასევე გამოხატა ნავთობგადამამუშავებელი ქარხნის მშენებლობისა და ოპერირების ინტერესი.

მემორანდუმის შესაბამისად, მხარეები შეთანხმდნენ, რომ ითანამშრომლებენ დოკუმენტით გათვალისწინებული მიზნების შესასრულებლად.

(NS)

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან