სახალხო დამცველი ნინო ლომჯარია მიიჩნევს, რომ მოსამართლეების შერჩევის შესახებ პარლამენტის თავმჯდომარის ირაკლი კობახიძის მიერ მომზადებული კანონპროექტი სისტემაში არსებულ გამოწვევებს ვერ პასუხობს. 

სახალხო დამცველი უზენაესი სასამართლოს მოსამართლეების შერჩევის შესახებ კანონპროექტის სამართლებრივი შეფასებისათვის ეუთოს დემოკრატიული ინსტიტუტებისა და ადამიანის უფლებების ორგანიზაციას მიმართავს.

"საქართველოს პარლამენტის თავმჯდომარის კაბინეტის მიერ მომზადებული კანონპროექტი უზენაესი სასამართლოს წევრების დანიშვნასთან დაკავშირებით ვერ პასუხობს დღეს სისტემის წინაშე არსებულ გამოწვევებს სრულფასოვნად. ძალიან ბევრ კვალიფიციურ, კეთილსინდისიერ ადამიანს ვინც აკმაყოფილებს მოქმედი კანონმდებლობის კრტერიუმებს, ჰქონდა მოლოდინი, რომ მას არ დაეკისრებოდა ვალდებულება გამოცდების ჩაბარების, ამიტომ მიგვაჩნია, რომ დამატებითი ბარიერის დაწესება კონკურენტულ გარემოს შეზღუდავს. საბჭოს წევრები ქულებს ანიჭებენ კანდიდატებს, საბოლოო ჯამში კენჭისყრები არის ფარული, რაც აზრს უკარგავს ქულათა სისტემით კანდიდატების შეფასებას. ამიტომ მიგვაჩნია, რომ კენჭისყრის პროცესი უნდა გახდეს საჯარო და გამჭვირვალე. პარლამენტმა უნდა გაიზიაროს ის რეკომენდაციები, რაც წარმოდგენილია ამ საკითხებთან დაკავშირებით როგორც საერტაშორისო ასე ადგილობრივი ორგანიზაციების მიერ. წარმოდგენილი კანონპროექტით იქმნება სამუშაო ჯგუფი, თუმცა არ არის დაკონკრეტებული ვინ შევა ჯგუფში, რა ფუნქციები ექნება მას და ასე შემდეგ", - განაცხადა ომბუდსმენმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა