დავით კირკიტაძეს ბრალი ოფიციალურად წარუდგინეს - ის მშრალ შიმშილობაზე გადადის

2018-12-19 14:23:14, 1413 ნახვა

სამართალი

გაერთიანებული ოპოზიციის ერთ-ერთ ლიდერს, დავით კირკიტაძეს ბრალი ოფიციალურად წარუდგინეს.

როგორც კირკიტაძის ადვოკატმა გიორგი კონდახიშვილმა ჟრნალისტებს განუცხადა, მისი დაცვის ქვეშ მყოფს ბრალი 353-ე პრიმა მუხლის პირველი ნაწილით წარედგინა.

ამასთან, ადვოკატის თქმით, კირკიტაძე მშრალ შიმშილობაზე გადადის.

"ბრალდების შინაარსში წერია შემდეგი, რომ ინაუგურაციაზე უცხოელი სტუმრებისა და უამრავი სტუმრის გამო პოლიციის მიერ მიღებული იქნა გადაწყვეტილება გადაკეტილიყო კონკრეტული მაგისტრალი, რის გამოც მომიტინგეები და მათ შორის დავით კირკიტაძე არ დაემორჩილა პოლიციის მოთხოვნას და თავს დაესხა მაგისტრალზე განთავსებულ ავტობუსში მყოფ პოლიციელს და მიაყენა ხელის და ფეხის დარტყმით ფიზიკური დაზიანება. მისი განმარტებით ეს არის მის მიმართ განხორციელებული პოლიტიკური დევნა, იგი დღეიდან გადადის მშრალ შიმშილობაზე", - განაცხადა ადვოკატმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები