შინაგან საქმეთა მინისტრის მოადგილე ნათია მეზვრიშვილი თბილისში ჩატარებულ სპეცოპერაციასთან დაკავშირებით უკრაინის რადას დეპუტატის, სემენ სემენჩენკოს განცხადებებს გამოეხმაურა.

სემენჩენკომ აღნიშნა, რომ უკრაინის 6 და საქართველოს 1 მოქალაქეს ცეცხლსასროლი იარაღები „ჩაუდეს“ და ასევე დნმ-ის ანალიზი აუღეს, რაც დეპუტატის თქმით, შესაძლოა, მათ საწინააღმდეგოდ გამოიყენონ.

„გარკვეული ეჭვები გამოძიებას შესაძლო კავშირებთან დაკავშირებით გააჩნია, თუმცა ჩვენ რეალურად ვატარებთ სხვა საგამოძიებო და საპროცესო მოქმედებებსაც იმისთვის, რომ უფრო ნათელი სურათი შევქმნათ და საზოგადოებას დამატებითი ინფორმაცია მივაწოდოთ. ეს ადამიანები კონკრეტულად სისხლის სამართლის კოდექსის 236-ე მუხლებით არიან ბრალდებულები. დნმ-ს რაც შეეხება, იქ იყო განცხადებები, რომ თითქოს, იარაღი ჩაუდეს და ა.შ, ეს მათი სტრატეგიაა. ამას ჩვენ არ ვადასტურებთ. ჩატარდა საგამოძიებო მოქმედებები, იარაღი ამოვუღეთ, დავაკავეთ, პროკურატურამ ბრალი წაუყენა. დნმ-ს რაც შეეხება, არ ვიცი, რასთან დაკავშირებით საუბრობს, ზოგადად, იძულების ზომების გამოყენება პოლიციას და საგამოძიებო ორგანოებს საგამოძიებო მოქმედებების ჩატარების დროს აქვთ“, - განაცხადა ნათია მეზვრიშვილმა.

შეგახსენებთ, უკრაინის 6 და საქართველოს 1 მოქალაქე თბილისში 2 დეკემბერს დააკავეს, 4 დეკემბერს კი, დაკავებულებს აღკვეთის ღონისძიების სახით პატიმრობა შეეფარდათ.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა