პროკურატურა საბანკო ვალდებულებების განულების ინიციატივას შეისწავლის

2018-11-19 19:02:12, 1975 ნახვა

სამართალი

საქართველოს პროკურატურა მთავრობის ახალ ინიციატივას, რომელიც მოქალაქეთა გარკვეული რაოდენობისთვის საბანკო ვალების ჩამოწერას გულისხმობს შეისწავლის.

„ეს არის კერძო ხასიათის შეთანხმება, რომელიც ეხება მოსახლეობის დიდ ნაწილს. შევისწავლით და დანაშაულის ნიშნების არსებობის შემთხვევაში, მივიღებთ შესაბამის გადაწყვეტილებას”, – განუცხადეს „ექსპრესნიუსს" პროკურატურაში.

ცნობისთვის, აღნიშნულ ინიციატივას 3 არასამთავრობო ორგანიზაციაც გამოეხმაურა. NGO-ები საქართველოს პროკურატურას მოუწოდებენ, დროულად და ობიექტურად გამოიძიოს და შესაბამისი სამართლებრივი რეაგირება მოახდინოს პრემიერ-მინისტრის მიერ გაჟღერებულ ინიციატივაზე, რომლის მიხედვითაც 600 000 მოქალაქეს ვალები ჩამოეწერება.

შეგახსენებთ, საქართველოს 600 000-ზე მეტ მოქალაქეს ბანკებთან და სხვა საფინანსო ორგანიზაციებთან არსებული ფინანსური დავალიანება გაუნულდება.