პოლიციის დღესთან დაკავშირებით იუსტიციის მინისტრი აღსრულების ეროვნულ ბიუროს ეწვია. თეა წულუკიანმა აღსრულების ეროვნული ბიუროს პოლიციის სამმართველოს თანამშრომლებს პროფესიული დღესასწაული მიულოცა და მათ სპეციალური ჯილდო გადასცა. 

„პოლიციელებმა შეასრულეს დავალება, რაც მე მათ მივეცი სამი წლის წინ, დავალება იმის შესახებ, რომ მათი დახმარება აღსრულების პროცესში უნდა იყოს უკიდურესი გამოსავალი. როდესაც ისინი ბინაზე მიდიან, მათი მთავარი ამოცანა მოლაპარაკება, ახსნა-განმარტებაა. დასრულდა ის პრაქტიკა, რასაც ერქვა ძალისმიერი გამოსახლებები, ბინაზე მყოფი ბავშვების შოკში ჩაგდებები, რომელიც მრავლად გვახსოვს მანამდე. ჩვენი მიზანი არავის გამოსახლება არ არის. ჩვენ ვიცავთ როგორც დებიტორის, ისე კრედიტორის უფლებებს. დღეს აღსრულების პოლიციელი რეალურად პოლიციელი-მედიატორია", - განაცხადა იუსტიციის მინისტრმა. 

თეა წულუკიანმა სპეციალური სახელმწიფო წოდება დღეს აღსრულების 13 პოლიციელს მიანიჭა, ბიუროს 10 თანამშრომელს კი, სამსახურებრივი მოვალეობის სანიმუშო შესრულებისათვის მადლობა გამოუცხადა, 8 პოლიციელს განსაკუთრებული სირთულის სამუშაოს შესრულებისა და კეთილსინდისიერი სამსახურისათვის საჩუქარი - მაჯის საათი გადაეცა; კიდევ 4 პოლიციელს სპეციალური სახელმწიფო წოდება ვადაზე ადრე მიენიჭა. დაჯილდოების ცერემონიას იუსტიციის მინისტრის გარდა მისი მოადგილეები მიხეილ სარჯველაძე და ალექსანდრე ტაბატაძე, ასევე, იუსტიციის სამინისტროს მმართველობის სფეროში მოქმედი სსიპ-ების ხელმძღვანელები და აღსრულების ეროვნული ბიუროს სამსახურების უფროსები ესწრებოდნენ.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო