„საერთო სურათი არის ის, რომ არჩევნებმა სამართლიან გარემოში ჩაიარა“, - ასე გამოეხმაურა  პარლამენტის თავმჯდომარე ირაკლი კობახიძე საერთაშორისო ორგანიზაციების მიერ თვითმმართველობის არჩევნებთან დაკავშირებით გამოქვეყნებულ დასკვნებს.

„ჩვენ ყურადღებით გავეცნობით მათ დასკვნებს. საერთო სურათი არის ის, რომ არჩევნებმა ჩაიარა სამართლიან გარემოში. პოლიტიკაში არადეკლარირებული ფული არის რა თქმა უნდა პრობლემა. ჩვენ ვერ დავადანაშაულებთ  სახელმწიფო აუდიტის სამსახურს, ობიექტური მიზეზები ჰქონდა, მას ობიექტური მიზეზები ჰქონდა, რის გამოც ვერ ხერხდებოდა არადეკლარირებული თანხების კონტროლი, თუმცა ეს არის გამოწვევა და ამ გამოწვევას ჩვენ ყველა ერთად უნდა ვებრძოლოთ“,-განაცხადა კობახიძემ.

კობახიძე ასევე ამომრჩევლების პერსონალური მონაცემების შეგროვების შესახებ ბრალდებას გამოეხმაურა.

„ეს  არის ჩვეულებრივი მოვლენა  არჩევნებში, როგორც საქართველოში ისე ნებისმიერ  ქვეყანაში. მთავარია, რომ ამ დროს ამ დროს არ იყოს გამოყენებული არასამართლებრივი ფორმები. მკაცრად იყო გაფრთხილებული თითოეული აქტივისტი იმასთან დაკავშირებით, რომ მათ ბოროტად არ უნდა გამოეყენებინათ თავიანთი სადამკვირვებლო უფლებამოსილება, მათ შორის არავითარ შემთხვევაში არ  უნდა მოეხდინათ ისეთი ინფორმაციის აღნუსხვა, როგორიც არის პირადი ნომრები და ა.შ“, -აღნიშნა კობახიძემ.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი