2017-05-08 16:47:07, 2081 ნახვა
პოლიტიკა კომენტარი
სერგი კაპანაძე: ხელისუფლება ცდილობს, სასამართლოში თავისი მორჩილი მოსამართლეები ჰყავდეს
„ევროპული საქართველოს“ წევრი სერგი კაპანაძე ლევან მურუსიძის შესაძლო უვადო მოსამართლედ დანიშვნის საკითხს გამოეხმაურა.
როგროც მან ჟურნალისტებს განუცხადა, ხელისუფლება ცდილობს, სასამართლოში თავისი მორჩილი მოსამართლეები ჰყავდეს:
„მურუსიძის უვადო დანიშვნასთან დაკავშირებით, ბუნებრივია, ეს არის ხელისუფლების მხრიდან მცდელობა, რომ თავისი მორჩილი მოსამართლეები ჰყავდეთ სასამართლოში რაც შეიძლება დიდი ხანი, აქედან გამომდინარე, სრულიად მოსალოდნელია, რომ ეს ნაბიჯი გადადგა, იქნება ეს მურუსიძე, ურთმელიძე, ნაზღაიძე, თუ ნებისმიერი სხვა ყურმოჭრილი მოსამართლე. ამ ხელისუფლებას სჭირდება იმისთვის, რომ თავიანთი პოლიტიკური ზრახვები შეასრულონ”,-აღნიშნა სერგი კაპანაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
