ვოლსკი: „რესპუბლიკელები“, „დემოკრატები“ და „ნაცმოძრაობა“ ევროპული საქართველოს სახით, ერთ მაგიდასთან აღმოჩნდნენ

2017-05-08 16:39:23, 2327 ნახვა

პოლიტიკა კომენტარი

საპარლამენტო უმრავლესობის წევრი გია ვოლსკი პრეზიდენტის არჩევის წესთან დაკავშირებით, პლებისციტის ჩატარების თაობაზე ევროპული საქართველოს ინიციატივას გამოეხმაურა, რომელსაც „თავისუფალი დემოკრატები“ და „რესპუბლიკელებიც“ შეუერთდნენ.

ვოლსკის თქმით, „რესპუბლიკელები“, „თავისუფალი დემოკრატები“ და “ნაციონალური მოძრაობა” , ევროპული საქართველოს სახით, უკვე ერთ მაგიდასთან აღმოჩნდნენ, რაც მოსალოდნელი იყო.

მისივე შეფასებით, კონსტიტუციურ ცვლილებებთან დაკავშირებით, საყოველთაო-სახალხო განხილვების მეშვეობით, საზოგადოების ფართო ჩართულობა უზრუნველყოფილია:

„რაც შეეხება პარალელური პროცესის განვითარებას, მე ვფიქრობ, ეს მათ პოლიტიკურ მიზანს ემსახურება, თავი წარმოაჩინონ, წინააღმდეგ შემთხვევაში მიმდინარეობს კანონით გათვალისწინებული საზოგადოებრივი განხილვები საკითხის, ვენეციის კომისიის დასკვნებსაც ველოდებით და საზოგადოებისთვის ინტერესის საგანს, რა საკვირველია, საკონსტიტუციო ცვლილებები წარმოადგენს და ხელმისაწვდომობა ამ პროცესთან საკმაოდ ფართოდ არის უზრუნველყოფილი ამ განხილვების პროცესში”,-აღნიშნა გია ვოლსკიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან