დეკანოზ მამალაძის მეგობარი: სხდომის დახურვა ემსახურებოდა ერთადერთ მიზანს, რომ საზოგადოებას სიმართლე დაგვიმალონ

2017-05-05 13:59:15, 2289 ნახვა

სამართალი კომენტარი

მამა გიორგი მამალაძის მეგობრები ე.წ ციანიდის საქმეზე წინასასამართლო სხდომის დახურვის გადაწყვეტილების გამო უკმაყოფილოები არიან.

როგორც ჟურნალისტებს გიორგი მამალაძის ერთ–ერთმა მეგობარმა რაულ აგიკიანმა განუცხადა, სხდომის დახურვა ემსახურებოდა ერთადერთ მიზანს, საზოგადოებისთვის დაემალათ სიმართლე, რომ უდანაშაულო ადამიანი ზის ციხეში.

“ასევე, როგორმე საზოგადოებას დაგვიმალონ ის სიმართლე, რომ აბსულტუტურად უსუსური არგუმენტებია საქმეში”,– აღნიშნა მამალაძის მეგობარმა.

შეგახსენებთ, ე.წ ციანიდის საქმეზე წინასასამართლო სხდომა პროკურატურის შაუმდგომლობის საფუძველზე, სრულად დაიხურა. სახელმწიფო ბრალდების განცხადებით, საქმე შეიცავს იმგვარ საკითხებს და პერსონალურ ინფორმაციესბ, რომელთა გამჟღავნებაც მიზანშეუწონლად მიაჩნიათ.

პროკურატურის არგუმენტაციას არ დაეთანხმა დაცვის მხარე, ისინი პირიქით, სხდომის საჯაროობას მოითხოვდნენ თუმცა, საბოლოოდ, მოსამართლემ გადაწვეტილება ბრალდების მხარის სასარგებლოდ მიიღო.

აღსანიშნავია, რომ პროცესის დახურვას ეწინააღმდეგებოდა თავად ბრალდებული მამა გიორგი მამალაძეც.

მამალაძის თქმით, სასამართლო მის პირად ცხოვრებას არ განიხილავს, ბრალდებასთან აკავშირებით კი საზოგადოებისთვის დასამალი არაფერი აქვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან