პენიტენციურ დაწესებულებებში, 603 პაციენტი C ჰეპატიტისგან სრულად განიკურნა, - ამის შესახებ სასჯელაღსრულებისა და პრობაციის მინისტრობის კანდიდატმა კახა კახიშვილმა კომიტეტების სხდომაზე განაცხადა.

როგორც კახიშვილმა აღნიშნა, პენიტენციურ დაწესებულებებში სხვადასხვა სამედიცინო პროგრამაბები მოქმედებს.

"C ჰეპატიტის აქტიური მკურნალობა მიმდინარეობს. 2014 წლიდან დღემდე 1548 პაციენტი გვყავს და 603 პატიენი სრულად განიკურნა ამ დაავადებისგან, ხოლო 558 ბრალდებული ასევე გადის მკურნალობას. რაც შეეხება სუიციდის რისკფაქტორებს, ჩვენ კონტროლზე გვყავს ადამიანები, რომლებიც შემოდიან დაწესებულებაში, ამიტომ ფსიქოლოგებისა და ფსიქიატრების დახმარებით მათი შემოწმება ხდება, რის შემდეგადაც სუიციდის რისკფაქტორი განესაზღვრებათ. გარდა ამისა ხორციელდება ტუბირკულიოზის მკურნალობის პროგრამა და 73 ბენიფიციარი გვყავს", - განაცხადა მინისტრობის კანდიდატმა.

კახიშვილის ინფორმაციით, საქართველოს პრობაციის სამინისტრომ დაზიანების აღრიცხვასთან დაკავშირებით სტამბოლის პროტოკოლის წესები მიიღო.

"ჩვენ ვახდენთ დაზიანებებების ფოტოგრაფირებას, იმ შემთხვევაში თუ გამოძიებას დასჭირდება, სრულყოფილი მასალა ჰქონდეს. ასევე, მივეცით საშუალება ომბუდსმენს და მის წარმომადგენელს ფოტოგრაფირების უფლება პენიტენციურ დაწესებულებაში, იმ მიზნებისთვის თუ საგამოძიებო სტრუქტურებს დასჭირდებათ დაზიანების კვალი", - განაცხადა კახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველკლასელების სასკოლო ფორმები საქართველოშია და 1-14 სექტემბერს გაიყიდება

პოლონეთის საელჩო: კაჩინსკის 2008 წლის გაფრთხილება პირქუშ წინასწარმეტყველებას ჰგავს

„მნიშვნელოვანი დემოკრატიული უკუსვლა“: რას ამბობს ევროკავშირის ახალი ანგარიში საქართველოს შესახებ

უკანა სავარძელზე მსხდომ მგზავრებს შესაძლოა უსაფრთხოების ღვედების გამოყენება მოეთხოვოთ