თურქეთის პრეზიდენტი რეჯეფ თაიფ ერდოღანი აცხადებს, რომ პრეზიდენტ ზელენსკისთან და მის დელეგაციასთან განიხილა რუსეთ-უკრაინის ომის დასრულება სამართლიანი მშვიდობით.

აღნიშნულის შესახებ ერდოღანმა უკრაინელ კოლეგასთან შეხვედრის შემდეგ მმართველი „სამართლიანობისა და განვითარების პარტიის“ ღონისძიებაზე სიტყვით გამოსვლისას ისაუბრა.

ზელენსკისა და ერდოღანის შეხვედრა ანკარაში პრეზიდენტის სასახლეში გაიმართა და ორ საათსა და 45 წუთს გაგრძელდა. დახურულ კარს მიღმა გამართულ მოლაპარაკებებს თურქეთის მხრიდან ასევე დაესწრო თავდაცვის მინისტრის, ეროვნული დაზვერვის ორგანიზაციის ხელმძღვანელი და საგარეო პოლიტიკისა და უსაფრთხოების საკითხებში პრეზიდენტის უფროსი მრჩეველი.

ერდოღანმა ასევე აღნიშნა, რომ გუშინ ტელეფონით ოთხმხრივი საუბარი ჰქონდა დონალდ ტრამპთან, საუდის არაბეთის პრინცთან მუჰამედ ბინ სალმანთან და სირიის პრეზიდენტთან აჰმედ ალ-შარაასთან. ასევე ბოლო დღეებში ტელეფონით კომუნიკაცია ჰქონდა ვლადიმერ პუტინთან, ემანუელ მაკრონთან და ჯორჯია მელონისთან. ხვალ კი თურქეთის პრეზიდენტი ალბანეთში გაემგზავრება, სადაც ევროპული პოლიტიკური საზოგადოების სამიტში მიიღებს მონაწილეობას.

ავტორი: ექსპრესნიუსი,

სოციალური ქსელები

სომხეთში „გაზპრომ-სომხეთის“ თანამშრომლები მექრთამეობის ბრალდებით დააკავეს

3 ოქტომბერს ვანში, წალკაში, დმანისში და ახმეტაში საკრებულოების შუალედური არჩევნები გაიმართება

გვარამია: საქართველოს დამაქცევარ ივანიშვილის რეჟიმს მინდა ვკითხო - ვინ დაიწყო ომი 1992 წელს აფხაზეთში?

NATO: ალიანსი 24/7 რეჟიმში არის მზად, უპასუხოს ნებისმიერ შესაძლო საფრთხეს, რათა დაიცვას მოკავშირეთა ტერიტორია და ხალხი