ოკუპირებული აფხაზეთის ე.წ. საპრეზიდენტო არჩევნებში ხმის მისაცემად თურქეთის ქალაქ საქარიაში საარჩევნო უბნის გახსნა იგეგმება, გადაწყვეტილება ოკუპირებული აფხაზეთის ე.წ. ცენტრალურმა საარჩევნო კომისიამ მიიღო.

ოკუპირებული აფხაზეთის ე.წ. არჩევნებისთვის უბნები ადრე სტამბოლშიც გახსნილა, თუმცა მათ მუშაობას გარკვეული პრობლემები ახლდა.

ე.წ. ცენტრალური საარჩევნო კომისიის თავმჯდომარის, დმიტრი მარშანის სიტყვებით, უბნის საქარიაში და არა სტამბოლში გახსნის გადაწყვეტილება მიიღეს იმისთვის, რომ „ორგანოების ყურადღება არ მიიპყრონ“. დე ფაქტო უწყებამ ამ საკითხზე კონსულტაცია გაიარა თურქეთში „აფხაზეთის უფლებამოსილ წარმომადგენელთან“ იბრაჰიმ ავიძბასთან.

უბნები 15 თებერვლის "არჩევნებისთვის" ასევე გაიხსნება მოსკოვსა და ყარაჩაი-ჩერქეზეთის დედაქალაქ ჩერკესკში. ყაბარდო-ბალყარეთში უბნის გახსნის მოთხოვნა არ დაკმაყოფილდა.

გარდა ამისა, დღეს ე.წ. ცენტრალურმა საარჩევნო კომისიამ "პრეზიდენტობის" კანდიდატად დაარეგისტრირა კომერციული ბანკის, „შავი ზღვის განვითარების ბანკის“ თავმჯდომარე ადგურ ხურხუმალი, რის შემდეგაც კანდიდატების რაოდენობა ხუთამდე გაიზარდა. ოკუპირებული აფხაზეთის ლიდერის პოსტისთვის იბრძვიან ე.წ. პრეზიდენტის მოვალეობის შემსრულებელი ბადრა გუნბა, რუსეთის ფედერაციაში ყოფილი სავაჭრო წარმომადგენელი ოლეგ ბარციცი, ეკონომიკის ყოფილი "მინისტრი" და ოპოზიციური „აფხაზთა სახალხო მოძრაობის“ ლიდერი ადგურ არძინბა, ასევე "კონტროლის პალატის" ყოფილი ხელმძღვანელი რობერტ არშბა.

საქართველო და ქვეყნის საერთაშორისო პარტნიორები აფხაზეთსა და სამხრეთ ოსეთს რუსეთის მიერ ოკუპირებულ ტერიტორიებად მიიჩნევენ. მათ "დამოუკიდებლობას" ცნობენ მხოლოდ რუსეთი, ნიკარაგუა, ვენესუელა, სირია და ნაურუ.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე