პარტია "თავისუფალი დემოკრატების" გენერალური მდივანის ალექსი პეტრიაშვილის დაკითხვა დღეს ვერ მოხერხდა.

როგორც "ექსპრესნიუსს" ადვოკატმა ლევან სამუშიამ განუცხადა, ალექსი პეტრიაშვილს  სხეულის ტეპერატურამ აუწია, რის გამოც დაკითხვა ვეღარ განახლდა.

ადვოკატი ალექსი პეტრიაშვილის დაკითხვას ხვალ ვარაუდობს:

"დღეს ვერ მოხერხდა მისი დაკითხვა. სამწუხაროდ, ბატონ ალექსის ტემპერატურა აქვს მაღალი და  მისი ჯანმრთელობის მდგომარეობიდან გამომდინარე, დაკითხვა შესაძლებელი იქნება იმ შემთხვევაში,  როდესაც მისი ჯანმრთელობის მდგომარეობა გამოკეთდება. ხვალისთვის ვვარაუდობთ დაკითხვას. გამომძიებლებმა მითხრეს,  რომ თუ ხვალ მისი ჯანმრთელობის მდგომარეობა იქნება სტაბილური, დაკითხვა გაგრძელდება ხვალ", -განუცხადა ლევან სამუშიამ "ექსპრესნიუსს"

შეგახსენებთ,  26 თებერვალს, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს. 

მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა. შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. შემთხვევა საბურთალოს პანთეონის ძმათა სასაფლაოს ტერიტორიაზე მოხდა.

ალექსი პეტრიაშვილის ჯანმრთელობის მდგომარეობა ამ დროისთვის დამაკმაყოფილებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: თუ Patriot-ის რაკეტების 10% გვექნება, ყველა რუსულ ბალისტიკურ რაკეტას გავანადგურებთ

პიტ ჰეგსეთი: კუბასთან დაკავშირებით ყველა ვარიანტი განიხილება, მათ შორის სამხედროც

სააპელაციო სასამართლომ იოსებ სიგუას შემაკავებელი ორდერი გაუუქმა

გომის მთაზე მომხდარი ავარიის საქმეზე მიკროავტობუსის მძღოლი დააკავეს