თურქეთმა ირანიდან ნავთობის იმპორტი განაახლა

2024-07-02 17:23:43, 458 ნახვა

მსოფლიო

ბოლო 4 წლის განმავლობაში პირველად, თურქეთმა 2024 წელს ირანიდან ნავთობის იმპორტი განაახლა. ამის შესახებ ინფორმაციას ირანული მედია ავრცელებს.

როგორც მედია წერს, ამერიკის შეერთებული შტატების მიერ ისლამურ რესპუბლიკაზე დაწესებული სანქციების მიუხედავად, ნავთობის იმპორტი ირანიდან არა მხოლოდ თურქეთის, არამედ ევროკავშირის წევრი ბულგარეთისა და პოლონეთის მიერაც ხორციელდება.

ირანულ მედია ევროსტატზე დაყრდნობით წერს, რომ ბულგარეთმა 2024 წლის პირველი სამი თვის განმავლობაში ირანიდან 314 ტონა ნავთობი ან ნავთობპროდუქტი ჩაიტანა, პოლონეთმა კი 2024 წლის მარტში ირანული ნავთობისა თუ ნავთობპროდუქტის 19 ტონა ტვირთი მიიღო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,