ევროპის საბჭოს საპარლამენტო ასამბლეამ მიიღო რეზოლუცია, რომლითაც რუსეთი დიქტატურად ცნო. აღნიშნულის შესახებ ინფორმაციას ევროპის საბჭოს საპარლამენტო ასამბლეის კულტურის, მეცნიერების, განათლებისა და მედიის კომიტეტის ხელმძღვანელი ევგენია კრავჩუკი ავრცელებს.

მისი თქმით, რეზოლუციის მიღებას მხარი 43-მა ევროპარლამენტარმა დაუჭირა.

"ევროპის საბჭოს საპარლამენტო ასამბლეამ აღიარა, რომ რუსეთის ფედერაცია გადაიქცა დე ფაქტო დიქტატურად, პუტინი კი დიქტატორად. ევროპის საბჭოს საპარლამენტო ასამბლეამ ახლახან ერთხმად დაუჭირა მხარი შესაბამის რეზოლუციას 43 ხმით",- წერს კრავჩუკი.

ევროპის საბჭოს საპარლამენტო ასამბლეამ ასევე:

• მოუწოდა საბჭოს წევრ ქვეყნებს პუტინის არალეგიტიმურად ცნობისკენ. ასევე, შეწყვიტონ მასთან ყველა კონტაქტი, გარდა ჰუმანიტარულისა.
• მოუწოდა ISS-ის ქარტიის წევრ ქვეყნებს, დააპატიმრონ პუტინი, როდესაც ის მათ იურისდიქციაში მოხვდება დაკავების ორდერის საფუძველზე;
• დაადასტურა სპეციალური ტრიბუნალის შექმნის მხარდაჭერა, რომელიც გადალახავდა "ტროიკას" იმუნიტეტს.

შეგახსენებთ, რომ მარტში სისხლის სამართლის საერთაშორისო სასამართლოს პროკურორმა, კარიმ ხანმა რუსეთის პრეზიდენტის, ვლადიმერ პუტინის დაკავების ორდერი გასცა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე