CNN - ისრაელის საპასუხო კონტრშეტევას 198 პალესტინელი ემსხვერპლა, ხოლო 1 610 დაშავდა

2023-10-07 18:12:32, 898 ნახვა

მსოფლიო

ისრაელის საჰაერო თავდასხმებს 198 პალესტინელი ემსხვერპლა, 1 610-მდე ადამიანი კი დაშავდა. აღნიშნულის შესახებ ინფორმაციას CNN-ი ავრცელებს.

როგორც გამოცემა წერს, ამ ეტაპზე უცნობია დეტალური ინფორმაცია იმის შესახებ, თუ სად მოხდა დაღუპვა და არიან თუ არა დაღუპულებს შორის ტერორისტული დაჯგუფება "ჰამასის" წევრები.

ცნობისთვის, დღეს, 7 ოქტომბერს ღაზის სექტორში მოქმედმა ტერორისტულმა დაჯგუფებებმა ისრაელის სამხრეთით მოულოდნელი სარაკეტო და სახმელეთო იერიში წამოიწყეს.

მოგვიანებით, ტერორისტულმა დაჯგუფება "ჰამასმა", რომელიც ღაზის სექტორს აკონტროლებს, ისრაელის წინააღმდეგ "ოპერაცია ალ-აკსას წარღვნა" გამოაცხადა, რის შედეგადაც ისრაელში 100 ადამიანი დაიღუპა, ხოლო 800 დაშავდა.

ამასთან, ისრაელის თავდაცვის ძალებმა ღაზის სექტორიდან მოულოდნელი თავდასხმის საპასუხოდ კონტრშეტევა დაიწყეს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,